KYA TUM MUJHE JAANTE HO?

-          

KYA TUM MUJHE JAANTE HO?

Ye mera sawaal sirf aapse nahi, balki mere sabh bhai bheno se hai jo iss zindagi ke bheedh ka hissa hai. Mei koi famous personality nahi hu, koi khaas takht nahi hai mera aur abhi bhi apni chaap chodni baaki hai mujhe iss duniya pe. Phir aap ye soch rahe honge ki mei itne atmvishvaas se kyu pooch rahi hu ye sawal. Mei chati hu ki aap jaane mujhe. Jab do log ek dusre ko jaan jaate hai toh ek naye aur adbhut rishte ki shuruvat hoti hai. Aase rishte shayaad hi kisi jaan pehchan vale logo se banti hai. Aaj aapne mujhe diya hai ye sobhagye ki mei aapko apne baare mei batau, agli baar, mei bhi aapse aapke baare mei jaana chayungi.

Meine apne baare mei likh kar batana isliye khoob samjha kyunki mujhe likhne ka bahot shok hai. Ye shok kuch naya nahi hai, ek aadat hai. Jab khaayalo ki duniya mei g

um si jaati hun, tabh likhne ka shok farmati hun. Mei dasvi class se theatre kar rahi hun aur Aj bhi, college ke first year tak kar rahi hun. Mujhe theatre karke ye jaane ko pata chala ki hum sabh ke andar kahin na kahin ek ada kaar hai. Hum kahin na kahin acting karte hai aur apni bhavnao ko chupate hai. Meine bahot se street plays kiye hai aur chote stage plays kiye hai. Stage se utar kar mei yeh koshish karti hu ki apne andar ki ada kaara ko chodh ke apne saache bhavnao ko dikhau.

Mujhe kitaabe padhne ka bahot chow hai. Mei jahan bhi jaati hun, mere paas ek kitaab jarur hoti hai. Mere dost mujhe aksar bolte hai ki kyu naa mei apne ghar mei ek library khol lu, kyunki meri kitabbo ki collection 200 books se bhi jyaada hai.

Meine vaise toh abhi Law ek profession ki tarah chuna hai, jo ek paanch saal ka course hai, par mera background commerce ka hai. Mei 10vi kaksha se Marketing aur content writing ki jobs kar rahi hu. Abh mere pita ji ka kitna prahav hai mujhpe isse ye pata chalta hai, unhone ne mujhe hamesha se mehnat karna sikhaya hai.

Mere baare mei ek aur cheez jaani bahot jaruri hai aapko, mei bore bahot jaldi ho jaati hu, isliye mei hamesha apne aap ko kisi na kisi kaam se bandh ke rakhti hun.

Aaj ke liye, mere baare mei itna hi… Aasha karti hu ki aapko mei itni pasand aai hu ki aap mujhse bheth karna chayenge, taki agar agli baar mei aapse ye sawal karu “Kya tum mujhe jaante ho?” toh aapka jawaab ho “HAAN!”

Peace,

Muskan 💗💗💗